Saturday, October 14, 2006

હવાના મોતી (મુક્તક)

(માલદીવ્સના દરિયાની ભીતરમાં...                   ... ફેબ્રુઆરી-02)


ભલેને લોક એને ભાગ જળનો માનવાના,
                      જીવન માપો તો છો ને અલ્પજીવી લાગવાના;
ભરીને વાયુ ભીતરમાં અલગ રાખે છે દમ જે,
                      એ પરપોટા છે સાચા અર્થમાં મોતી હવાના.

ડૉ.વિવેક મનહર ટેલર


8 Comments:

At 10/14/2006 02:43:00 PM, Blogger manvant said...

તમારા નામનો છેલ્લો ને પ્રથમ અક્ષર સાથે મૂકી
વાંચ્યો તો વંચાયું નામ "કવિ " !અને તે પણ
વિવેક્યુક્ત ! મુક્તક અસરકારક છે.અભિનંદનો

 
At 10/14/2006 03:49:00 PM, Anonymous ધવલ said...

હવાના મોતી - સુંદર કલ્પના !

 
At 10/15/2006 05:47:00 AM, Blogger Suresh said...

ભરીને વાયુ ભીતરમાં અલગ રાખે છે દમ જે,
એ પરપોટા છે સાચા અર્થમાં મોતી હવાના.

આપણા જીવનમાં પણ જ્યાં સુધી શ્વાસ છે ત્યાં સુધી જીવન મોતી જેવું રહે છે! હવા ના હોય તો પરપોટો ફૂટી જાય.
શ્વાસ ના રહે તો જીવન પણ નહીં .
બહુ સરસ .

 
At 10/16/2006 11:58:00 AM, Blogger Gujarati-kavitaa said...

વિવેક ભાઈ,
ખુબજ સુંદર મુક્તક ,
આપ સતત ગઝલ સંગ્રહ છપાવવાની મંઝીલ તરફ આગળ વધી રહ્યા છો.........

keep it up...

જય ગુર્જરી,

ચેતન ફ્રેમવાલા

 
At 10/16/2006 10:33:00 PM, Anonymous Nilay Parikh said...

very nice!

 
At 10/17/2006 06:30:00 AM, Anonymous પંચમ શુક્લ said...

કોઇ પરપોટો કદી નહીંજ આછું જીરવે,
આભરણ જળનું અહો! તરબતર એ હોય છે.

 
At 10/28/2006 04:08:00 AM, Anonymous Neela Kadakia said...

સુંદર

 
At 11/01/2006 01:50:00 AM, Anonymous Anonymous said...

પરપોટાને હવાના મોતી ની સરસ અને નવી ઉપમા આપી.ખુબ સુંદર.

nilam doshi
http://paramujas.wordpress.com

 

Post a Comment

<< Home