સુરતમાં તાપી વહે એમ શબ્દ મારામા...

(ગણતરીના કલાકોમાં જે પુલને તાપી નદી ગળી ગઈ...08-08-2006)


અમે ગઝલ તો કોઈ પણ રીતે કહી દઈશું,
કે કોરા કાગળે તુજ નામ, બસ ! લખી દઈશું.

જીવનની વાત તેં છેડી જ છે તો હું શું કહું ?
જે ન્હોતું મારું કદી, કેમ એ કરી દઈશું ?!

છે, એક ચીજ છે એવી કે જેને તું તો શું
ખુદા જો ખુદ કહે તો પણ અમે નહીં દઈશું.

અમારા પ્રાણની સંયુક્તા તો શબદને વરી,
હરણ ન કરશે સમય પર તો એ ત્યજી દઈશું.

સુરતમાં તાપી વહે એમ શબ્દ મારામા,
કિનારા જોડવા પુલ શ્વાસનો કરી દઈશું.

ડૉ. વિવેક મનહર ટેલર