Friday, January 20, 2006

અગર શ્વાસ હોય તો

રસ્તામાં ક્યાંક મારી પડી લાશ હોય તો,
આપો ઉછીના ચંદ અગર શ્વાસ હોય તો.


ઘોંઘાટ કેટલો બધે દુનિયામાં થઈ ગયો!
સુણવાની મૌન ટેવ સૌને, કાશ! હોય તો.

મારા ગુના અતૂટ અફર કેદ થઈ ગયાં,
છટકી શકું દિલે જો બચી પ્યાસ હોય તો.

અંતર બે દિલની વચ્ચેનું વધશે નહીં જરી,
વચ્ચે જો મોકળાશનો અવકાશ હોય તો.

સીમા ઉવેખી બેઠા શું સૌ એ જ કારણે?
ફળ અંતે જો મર્યાદાનું વનવાસ હોય તો.


ફરિયાદ બંધનોની નથી, જોર કર હજી,
ઈચ્છા ડગી જશે યદિ ઢીલાશ હોય તો.


મીઠાશ ક્યાંથી શબ્દમાં આવે પછી, કહો!
દુનિયાએ ઠાંસી દિલમાં જો કડવાશ હોય તો.



ડૉ. વિવેક મનહર ટેલર

3 Comments:

At 1/20/2006 07:25:00 AM, Anonymous SV said...

I read the ghazal, enjoyed it immensely. To reiterating myself - you are a very thoughtful, creative writer.

Thanks for sharing. - SV

 
At 1/21/2006 10:40:00 PM, Blogger ધવલ said...

અંતર બે દિલની વચ્ચેનું વધશે નહીં જરી,
વચ્ચે જો મોકળાશનો અવકાશ હોય તો.

મનને અડી જાય એવો શેર.

- ધવલ.

 
At 11/06/2006 01:54:00 AM, Blogger Jayshree said...

મને આ શેર ના સમજાયો :

સીમા ઉવેખી બેઠા શું સૌ એ જ કારણે?
ફળ અંતે જો મર્યાદાનું વનવાસ હોય તો.

 

Post a Comment

<< Home