Thursday, January 05, 2006

પ્રેમ છે

શ્વાસમાં વિશ્વાસ જ્યાં ભેળો મળે એ પ્રેમ છે,
આશનો અવકાશ જ્યાં પણ શૂન્ય છે એ પ્રેમ છે.

હક, અપેક્ષા, શક, અહમ્ ના પંક ની વચ્ચેથી કોઈ,
પદ્મ સમ નિર્મળ અગર ખીલી શકે એ પ્રેમ છે.

બેકરારી વસ્લ માં, પીડા વિરહ માં કત્લની,
એટલું સમજી શકો કે કેમ છે એ પ્રેમ છે.

‘તું નથી’ ની વાસ્તવિક્તા કષ્ટ દેતી બંધ થઈ,
શ્વાસમાં, ઉચ્છવાસ માં બસ, તું વહે એ પ્રેમ છે.

બાદબાકી તુજ ની, તારાં સ્પર્શ, યાદો, સાથની,
શેષ મારામાં પછી જે પણ બચે એ પ્રેમ છે.

શબ્દ થઈ મુજ શ્વાસ માં બસ તું સદા વહેતી રહે,
આ ગઝલ શબ્દો નથી કંઈ, આ જે છે એ પ્રેમ છે.

રાત આખી બેકરારી થઈ મને ડંસતી રહે,
ને સવારે શબ્દ થઈ ચૂમે મને એ પ્રેમ છે.


ડૉ. વિવેક મનહર ટેલર

4 Comments:

At 1/08/2006 03:41:00 AM, Anonymous chirag said...

It is very nice KAVITA. vachine khubaj anand thayo.

 
At 6/25/2006 12:43:00 PM, Blogger Jayshree said...

Very Nice one..!!

You have beautifully defined the most beautiful feeling..

 
At 8/28/2008 02:14:00 AM, Blogger prateek said...

namste saheb ,
kavita vanchine kharekhar prem ma pachadaya chie toy pachu prem ma padvanu man thai jay che ....

 
At 7/20/2011 08:35:00 PM, Blogger Meena said...

‘તું નથી’ ની વાસ્તવિક્તા કષ્ટ દેતી બંધ થઈ,
શ્વાસમાં, ઉચ્છવાસ માં બસ, તું વહે એ પ્રેમ છે.


પ્રેમનું સર્વોચ્ચ સ્થાન અને વાસ્તવિકતાની કઠણાઈને જોવાનો અભિગમ જે રીતે બંનેને અહીં પ્રત્યક્ષ કર્યા છે એ સમજવું જ જિંદગી છે.

જિંદગીને સહજ કરવા માટે આ શબ્દસંગ વારંવાર કરવા જેવા....

 

Post a Comment

<< Home