Monday, January 02, 2006

પ્રાણ પણ નથી

તુજમાં હું સર થી પગ લગી રમમાણ પણ નથી,
તો પણ ગયો છું ક્યાં સુધી એ જાણ પણ નથી.

આવી ઊભો છું યુ્દ્ધમાં વિશ્વાસ લઈ ને બસ,
બખ્તર નથી શરીરે, શિરસ્ત્રાણ પણ નથી.

છેતરશે તું, ખબર હતી, દીધી જવા તો પણ,
ઉલ્ફત ના આ નિયમ થી તું અણજાણ પણ નથી.

મળતાં ની સાથે માર્ગ બદલ્યો, મને તો એમ,
સઘળું પતી ગયું, હવે ખેંચાણ પણ નથી.

જ્યાં મૂક્યું સર ખભે કે ગ્રહી વાત દિલ ની લે,
સંબંધ માં હવે એવું ઊંડાણ પણ નથી.

હો પ્યારૂં પણ જો હાથ થી છોડો નહીં તમે,
આંબી શકે નિશાન જે, એ બાણ પણ નથી.

શ્વાસે વણીને શબ્દ રચી સાદડી છ ગજ,
તૂટ્યો જો તાર શબ્દ નો તો પ્રાણ પણ નથી.

ડૉ. વિવેક મનહર ટેલર

3 Comments:

At 1/03/2006 04:53:00 AM, Anonymous SV said...

Nice blog and great ghazals. - sv

 
At 1/06/2006 02:47:00 PM, Blogger ધવલ said...

જ્યાં મૂક્યું સર ખભે કે ગ્રહી વાત દિલ ની લે,
સંબંધ માં હવે એવું ઊંડાણ પણ નથી.

સરસ વાત ! આ ગઝલને મુકુલ ચોકસીની આ ગઝલ સાથે સરખાવવાની લાલચ રોકી
શકતો નથી !

- ધવલ

 
At 5/01/2006 03:34:00 PM, Blogger Suresh said...

શ્વાસે વણીને શબ્દ રચી સાદડી છ ગજ,
તૂટ્યો જો તાર શબ્દ નો તો પ્રાણ પણ નથી.

આ પંક્તિમાં 'છ ગજ ' થી શું અભિપ્રેત છે?
દેહની તરફ અંગુલીનિર્દેશ હોય તો 'બે ગજ' ન હોવું જોઇએ?

 

Post a Comment

<< Home