Thursday, May 25, 2006

માનવ છું હું, ઈશ્વર નથી...

(પાયકારા ધોધ, નીલગિરી પર્વતમાળા-સપ્ટેમ્બર-2005)


માન્યું કહ્યું જે પણ તમે : માનવ છું હું, ઈશ્વર નથી,
પણ પ્રેમ મારો તોય મારી જેમ કંઈ નશ્વર નથી.

મારી વફાદારીનો સિરો કોણ છે એ પ્રશ્નનો,
વિશ્વાસ હો તો ઠીક, બાકી વિશ્વમાં ઉત્તર નથી.

છે ભૂલ એકાદી, જીવન આખું હવે લજ્જિત છે આ,
ધબકાર હો કે શ્વાસ, શંકાથી કશુંયે પર નથી.

મરજી મુજબ વર્તી શકુ? ના-ના, સમય વસમો છે આ,
ઈચ્છાના જીવનમાં સ્વયંવર થાય એવું વર નથી.

એ પ્રેમનો જાદુ છે કે પ્રેમી તણા અહેસાસમાં,
એની પ્રિયાથી વિશ્વમાં કોઈ વધુ સુંદર નથી.

વહેતું રહે છે શબ્દનું ઝરણું સતત એ કારણે
કે હર ગઝલના અંતે જાગે પ્યાસ – ‘આ આખર નથી!’

ડૉ.વિવેક મનહર ટેલર

3 Comments:

At 5/25/2006 03:59:00 AM, Anonymous SV said...

Beautiful!

 
At 5/25/2006 11:05:00 AM, Anonymous sana said...

Good One....

No one is God,
"Faith" and "Trust" is worship...
Mistakes is to man..
To "Forgive" is Life.....

 
At 11/23/2006 01:51:00 AM, Anonymous Anonymous said...

"પ્રેમ મારો તોય મારી જેમ કંઇ નશ્વર નથી...."

સરસ પંક્તિ.અભિનન્દન


નીલમ દોશી.

 

Post a Comment

<< Home