Wednesday, December 13, 2006

ક્ષણના મહેલમાં

(ક્ષણોના મ્હેલમાંથી... ...રણથંભોર, 03/12/2006)

કેદ છું સદીઓથી ક્ષણના મહેલમાં,
છું છતાં ક્યાં છું હું આખા ખેલમાં ?

યાદમાં રહું લીન હું એથી સદા,
એ મળે નિશ્ચિત ત્યાં ક્ષણ જીવેલમાં.

કાંકરો મારો તો વહેતું આવશે,
રહેશે બાકી બંધ કાયમ હેલમાં.

લાગી આવ્યું ઓસને, ઊડી ગયું...
ફૂલે ખુશ્બૂને કહ્યું શું ગેલમાં ?

તેં નજર ધસમસતી માંડી મારા પર,
શું તણાવાનું બચે આ રેલમાં ?

આટલા વર્ષેય સમજાયું નહીં,
ભાળી શું ગઈ'તી તું આ રખડેલમાં ?

શ્વાસની જેમ જ બને અનિવાર્ય જે
શબ્દ એવા ક્યાં મળે છે સ્હેલમાં ?

ડૉ.વિવેક મનહર ટેલર

6 Comments:

At 12/13/2006 08:15:00 PM, Anonymous ધવલ said...

લાગી આવ્યું ઓસને, ઊડી ગયું...
ફૂલે ખુશ્બૂને કહ્યું શું ગેલમાં ?

મઝાની વાત !

 
At 12/14/2006 03:57:00 AM, Anonymous Anonymous said...

પ્રિય મિત્ર વિવેક,

કોઈ એક કે બે પંક્તિને અલગથી તારવીને તારીફ નથી થઈ શકતી અહીં. વારંવાર વાંચી. ખૂબ સરસ.


મીના

 
At 12/14/2006 07:55:00 AM, Anonymous ઊર્મિસાગર said...

આટલા વર્ષેય સમજાયું નહીં,
ભાળી શું ગઈ'તી તું આ રખડેલમાં ?

આ વાંચીને તો ખડખડાટ હસી પડાયું... :-)

તેં નજર ધસમસતી માંડી મારા પર,
શું તણાવાનું બચે આ રેલમાં ?

બધા જ શેરો એકદમ સ-રસ છે.. પણ આ જરા વધુ ગમી ગયો !

 
At 12/14/2006 09:46:00 AM, Anonymous સુરેશ જાની said...

એ કોણ ?

 
At 12/14/2006 10:33:00 PM, Anonymous Nitin Bhatt said...

Aatla Varshey Samjayu Nahin...

Quality of this Sher is much lower
compared to others,which are of high
quality...

Sonani Thaalima Lodhani mekh!

 
At 12/15/2006 08:02:00 AM, Anonymous Neela Kadakia said...

એણે એમ ન કહ્યું?

ભલેને તું રખડેલ રહ્યો
હું પડી છું તારા પ્રેમમાં

 

Post a Comment

<< Home